貅之旅遊世界

其實伊瓜蘇o係一個瀑布群, 是由一D大大少少o既瀑布組成. 巴西佔兩成而阿根廷佔八成. 所以由巴西呢邊望過去, 會一次過望到好多阿根廷o個邊o既瀑布. 反而阿根廷如果望向巴西o個邊, 就冇乜野睇. 雖然一路行都會見到好多瀑布, 但係我地只係唸住行兩個零鐘頭, 所以只係每個景點逗留片刻, 影幾張相就走. 而且o係條路o既盡頭, 就會係一個超大型o既瀑布. 而淨係呢一個瀑布, 我唸己經同加拿大o既尼亞加拉大瀑布有得揮. 所以我地將大部份時間都花係o個一度.

雖然一早己經見到個瀑布, 但係依然係每行近多一步, 就多一分興奮. 國家公園特登搭o左條路申出去, 俾d遊客可以望得個瀑布清楚d. 當然呢度就係滿哂人啦. 要影靚相就要識"攝位". 不過好在d 人都唔會成日霸住d位, 所以通常等一陣就會等到個靚位.

瀑布淺起無數水花, 經風一吹, 雖然我地身在半山, 但係都全部變哂落湯雞. 影得唔夠幾張相, 鏡頭己經黏滿水點. 我地長期都要袋住張紙巾, 影幾張相就要抹鏡頭. 影到差唔多夠鐘, 我地兩個至肯離開.
我地兩個繼續走, 去到旅遊巴停車處, 我地部的士己經等緊我地. 真係有少少依依不捨.

一路上我地問的士司機, 點樣過去阿根廷, 原來佢話佢載我地過去都得. 呢度d 車, 成日都互相過境, 載我地過去都冇乜問題, 所以我地決定直頭唔住巴西o既伊瓜蘇市, 直接去阿根廷o既伊瓜蘇港. 我地根據某旅遊日記o既介紹, 入住一問叫'hotel Alexsender' o既酒店. 平平地又近巴士站, 只係80pesos都幾唔錯. Check-in 放低o左d 行李之後, 我地就走出伊瓜蘇港o既市中心.

阿根廷o既伊瓜蘇港, 真係好有小鎮feel, 一間間細細間又殘殘舊舊o既店鋪, 街上面又好少人, 加埋一d 幾十年前, 殘得o黎又好有味道o既舊汽車. o個種氣氛真係好舒服.

其實都o左呢一日, 我地都係係乜都未定好, 例如幾時落去睇冰川, 幾時經邊度去秘魯, 我地都未定好, 皆因我地仲未買到機票, 但係因為我地仲有幾處地方要去, 但係就冇乜時間, 所以每一處地方我地只可以留兩至三日. 如果是但一處o既航機唔夾我地個schedule, 我地就好可能要放棄某d景點. 如果呢度可以早一日走, 我地就可以多d 時間走俴. 所以一到步o黎到呢度, 我地就搵Travel Agent 訂我地o既機票. 因為己經係黃昏Travel Agent都己經關門, 不過好在阿根廷航空反而未關, 咁我地就入去問問啦. 我地之前己經訂o左後日去布誼諾斯艾利斯o既機, 但係我地最想就係聽日玩完阿根廷呢邊o既伊瓜蘇即晚就走. 無奈佢地話d 機己經爆滿, 想轉早d班機睇o黎都冇乜可能. 但係我地臨走o既時候, 佢又叫住我地, 話我地知其實聽日尾二o個班機會有機會由細機轉做大機, 咁樣就會突然多o左位出o黎, 而我地就可以轉去o個一班機, 似乎o岩哂我地o既要求. 不過就仲未肯定會轉, 所以要等第二日下午至知得唔得. 於是乎我地就決定聽日早去早回, 計劃聽日去一個上晝, 食晏時份早d 返o黎睇下走唔走得甩.

問完機票, 都係時候食晚飯, 睇d遊記講呢度有間中國菜館叫'依瓜樹大酒店', 就係我地hotel 附近. 本來想去幫襯下, 點知原來佢己經執o左笠. 唯有搵過另外一處食啦. 我地見伊瓜蘇港咁有小鎮風情. 就索性搵間地道風味do既餐廳食. 我地搵o左間唔睇起上o黎cheap cheap 地o既餐廳, 本來都想食扒, 不過佢地巴西串燒, 咁我地就叫o左一串,串o既巴西串燒好大串, 兩個人食都食唔哂. 我地仲叫o左杯啤酒, 食得非常開心.

6月8日, 經過一晚壞鬼冷氣o既煎敖, 終於都頂唔順冷傷風. 好在仲未係好嚴重, 只係有幾聲咳同流下鼻水咁. 冇阻礙到我地一早起身. 朝早9點我地就要起飛, 所以我地差不多六點就己經要起身. 好在直至到呢一日, 我地仲未適應時差, 而時差就令到我地五點幾自自動動會醒, 一d 都唔辛苦. 今次o既目的地伊瓜蘇瀑布, 呢個瀑布橫跨巴西同阿根廷, 巴西o個邊有個伊瓜蘇市, 而阿根廷o個邊就有個伊瓜蘇港. 我地而家身處巴西, 當然係去伊瓜蘇市比較著數啦, 因為通常自己國家o既內陸航線都會比國際航線平好多, 路程其實差唔多, 但價錢就差好遠. 由Rio 去伊瓜蘇市o既機票, 係o係我地到Rio o個日, o係機場個counter 買o既, 因為價錢比想像貴o左好多, 又要就我地個schedule, 所以問o左好多航空公司, 揀o左好多個option至楝到佢. 點知個地勤小姐講d 唔講d, 原來班機唔係直航機, 要o係聖保羅轉機, 無啦啦又冇o左兩個鐘頭. 不過都唔想再返轉頭攪啦, 所以就咁就算. 班機9點鐘開, 到伊瓜蘇港時都己經係下午三點幾. 機上面咁多個鐘頭, 當然就係倒頭大睡啦. 好好彩咁我差唔多到o既時候醒o左. 原來飛機到伊瓜蘇瀑布上空時, 會係瀑布上空盤旋, 等d 乘客可以由高空睇到瀑布o既全景. 機身係斜完左邊斜右邊, 而且係轉幾個圈, 所以我都幾肯定唔係就位降落, 而係特登咁飛法, 等d 乘客可以一看瀑布全貌.
出到機場, 我地都唔唸咁多, 拿拿聲搵部的士, 唸住快快趣入伊瓜蘇市, 求其搵間酒店check-in放低行李就再出伊瓜蘇國家公園睇瀑布. 希望可以用盡d 時間, 話唔定可以o係度慳到一日. 的士一路行, 的士司機問我地去邊間酒店, 我地都答唔出, 就講我地情況佢知. 個司機將我部的士停埋一邊, 就遊說我地租佢部的士即刻入國家公園, 玩完至入市搵酒店. 呢一著其實都係我地最想o既, 由於當時己經四點, 而國家公園六點就會關門大吉, 所以搵到酒店其實都唔知仲去唔去得成, 直接去其實先係上策. 經過一輪議價, 我地用o左三十蚊美金租佢兩粒鐘, 行李放係佢部車, 我地就拎住我地d貴重野, 即係相機同dv, 去遊國家公園睇瀑布.