因為己經冇機去san fran, 我要留o係機場一晚. o個一晚, 我係機場行o黎行去, 由terminal 1行去terminal 4, 又由terminal
4 行番去terminal 1, 行一次都要成半個鐘, 我大大話話都行o左六七次, 由晚上九點幾等到第二朝5點幾.... 又凍, 又出汗"痴立立",
又肚餓冇野食, 咁夜又冇野賣...好慘. 好在o係香港時己經預o左要等, 買o左本 "3 週刊", 玩個填字遊戲都可以頂到一陣.
美國o既公眾電話真係一絕, 我見佢前面就想打爛佢後面.. 點解我咁憎佢?? 因為佢地好麻煩, 我跟足佢instruct 入錢入去, 有d 就唔收,
到收o左啦, 又有把聲叫你再入多d 錢, 然後通唔通都食你錢.. 嘩, 我搵唔到人己經又急又燥o架啦, 仲連續幾部機都唔work, 又食我兩次錢.
最後, 我又試用CREDIT CARD, 連試幾部機至打到電話搵到阿蔡同大文. 同一部機, 都可以一時得, 一時唔得. 所以我真係好唔想, 唔想用美國o既公眾電話...
下次我出手機, 可能會出d 三頻, 可以o係美國用丫嘛!
終於等到天光, 等到去san fran, 到步見到阿蔡, 第一件事 "阿蔡, 唔好講咁多, 帶我返你屋企, 我要沖個涼!"
老實講, san fran真正值得去o既地方唔多, 我只係o係兩個地方落過車. 一個係金門橋, 另一個係漁人碼頭. 阿蔡話上次我幫佢買vcd, 仲未俾返錢我, 所以o係漁人碼頭請我食o左一餐. o個度最出名o既就係龍蝦同蟹. 我地每樣叫o左一隻, 真係好好味. 呢餐係除o左拉斯維加斯o既自助餐之外, 我o係美國食o既最好o既一餐.
雙城故事入面, 曾志偉就係死o係三藩市o既漁船上面. 為o左記念志偉, 我o係漁人碼頭買o左一頂 "漁夫之帽". 漁人碼頭之所以咁出名, 係因為冇啦啦有百幾隻海獅, 由墨西歌游到o個度玩. 聽講話唔係成日都見到d海獅, 不過我好彩, 俾我撞o岩可以見到! 我望住d海獅玩, 望o左十幾分鐘, 突然間覺得, 乜野表演都會睇厭, 但望住d動物自己行o黎行去, 就幾時都唔會厭. 神o既創造真係神奇! 金門橋其實唔會靚得過青馬大橋, 況且我日日都見青馬兩次, 橋對我o黎講真係冇乜好睇. 所以我又係望兩眼就走啦.
第二日一早, 我地搵埋朱錦, 阿蔡就駛車載我由三藩市去 LA, 雖然同係加州, 但係要駛6-8個鐘頭車都唔係少野.
所謂"加州氣息"就是猛列的陽光, 懶洋洋的鬼佬, 加上一間間的咖啡店. 我o係LA荷里活感受得到. 荷里活名店街, 相傳是有很多明星出末的. 但係我行過了整條街, 除了咖啡店有人之外, 任何店鋪都只有售貨員. 我對名店街所賣的, 一d興趣都沒有, 都係d美國味極重, 好誇張o既衣服, 而且價錢仲好貴. 大文駛車兜我地由名店街去更加著名o既荷里活星光大道, 我地部車兜o左大約一粒鐘, 終於搵到星光大道. 原來只係o係名店街旁邊. 行過去都唔駛半粒鐘. 我地去星光大道目的只有一個 -- 搵手印. 星光大道其實只有得d賣紀念品o既鋪頭, 同埋兩三間臘像錧. 我地並非一般愚蠢o既遊客. d咁搵笨o既鋪頭, 梗係攪攪震唔幫襯啦.
之後兩日去o左 universal studio, 同 magic mountain. 兩個主題公園都冇令我失望.
universal studio 入面值得一提o既, 係terminator o既 3D電影, 真得好緊要. 我俾佢5個正! 另外, 新開o左一間
"盜墓迷城"o既場館. 其實佢係一間恐佈屋, 入面真係黑很好緊要..最正仲有d真人扮木乃伊"呢埋"一二邊行出o黎嚇你.
仲要追住o黎嚇! 場館入面唔會有超過十秒冇人大叫.. 好得人驚. 玩到慶起我地都走埋一二邊嚇其他人..真係好得意.
magic mountain 係一個以過山車為主題o既遊樂場. 我最津津樂道o既係一個由三十幾樓衝落o黎過山車. 好堅..我敢大膽講句, 玩完呢隻過山車之後, 地球上冇一部過山車我會唔敢坐(未起好同埋安全有問題o個d另計)
加州最後一站係聖地牙哥o既沙灘. 當時美國正在播一套叫 "bay watch"o既電視劇, 而套bay watch 就係o係聖地牙哥o既沙灘拍.. 可惜, 我地去o既當日, 竟然烏雲滿佈..又凍. 所以冇得游水不單只, 又冇o左陽光與海灘, 仲人影都唔多幾隻! 真黑仔.
下一集預告 : 我地將會走出加州, 進入阿里桑拿, 行落大峽谷, 飛馳於鮑威爾湖. 千祈唔好錯過!
 |
 |
星光大道, 與尼古拉斯基治...的臘像合照
聰明笨伯一同合照...唔知邊個最笨