我地相信大峽谷之旅係好艱巨﹐所以我地雖然下午4點幾已經到步﹐亦冇急於去行。 於是搵到間CHEAP CHEAP MOTEL﹐先好好休息一晚﹐第二日至同大峽谷死過。以防萬一﹐ 朱錦同我都買O左一條類似"SNAKER"咁上下O既朱古力BAR﹐萬一行行冇力﹐都可以頂得一陣丫嘛。
順帶一提﹐我地美國O既整個旅程﹐都係住O係MOTEL﹐ DOUBLE BED ROOM﹐通常D床都係QUEEN SIZE﹐足夠兩個人訓有突。四個人住一間房O岩O岩好。一間咁房大約US$70-90﹐四個人SHARE﹐
每人每晚都係廿幾蚊美金﹐所以我地今次旅行可以咁慳, 就係因為四個人SHARE一間房租。
出發前發生O左一段小小O既插曲﹐阿蔡由於頂唔住阿里桑拿州O既乾燥天氣﹐一早起身就流鼻血。 當時只有我同佢起O左身﹐ 朱錦同PATRICK仲同周公搏鬥緊﹐所以佢地並唔知呢件事。大約十點﹐我地個個己經整裝待發﹐預備去行大峽谷。不過我唔知食錯乜野﹐竟然有爬山鞋唔著﹐走去著O左對涼鞋。一般遊客都只係O係大峽谷頂一條小徑﹐遊幾個景點, 影幾幅靚相就走。如果要落去谷底﹐有幾種選擇﹕坐直升機飛落谷底兜幾個ROUND﹔JOIN LOCAL TOUR騎馬落去﹔或者徒步行落去。大多數人都會選擇坐直升機落去﹐因為舒服又去得遠丫嘛。不過其實坐直升機又貴﹐又冇得停低影相﹐焗住O係部機入面﹐都幾搵笨。所以精明又年青有為O既我地﹐就選擇用我地強橫O既體力同意志去征服大峽谷。
一到O左大峽谷﹐我手上O既DV機就按奈不住﹐要"PAN"番個180度全景﹐實在係好壯麗。眼前O既景物﹐令到我地一行人雀躍不巳。本來在LA﹐大家都冇乜點話要影相﹐但一到大峽谷﹐係人都話﹕"阿貅﹐O係呢度同我影幅﹐我要影埋D乜乜物物....O既﹔阿貅﹐呢邊﹐我要有D乜乜FEEL O既。"大峽谷O既山路其實一D都唔難行﹐因為都唔算係好斜。我地O既"攝製隊"一路上都遇到好多唔同O既人﹐大至七老八十﹐細至十幾二十都有。不過絕大部分O既人都係志在行下﹐因為當攝製隊回程O既時候﹐已經再搵唔到佢地O既縱跡。由於每日都會有LOCAL TOUR O既馬隊經過﹐大峽谷O既山路上久唔久都會見到D馬O既排洩物。而大峽谷O既山路亦因為馬O既長期踐踏同埋因為O個度成日都係一滴風都冇﹐ 所以大峽谷O既整條山路﹐都鋪滿O左好厚O既泥塵﹐最少都有半吋厚。心水清O既觀眾都應該記得﹐我只係著住對涼鞋﹐踩落去D泥塵O既感覺﹐就好似赤腳踩落D O者O里咁﹐一樣咁嘔心。我望落去大峽谷底﹐唸起跟住O個五六個鐘頭都要行D咁O既路﹐心入面只有一個念頭﹐就係快D到谷底條河洗腳﹗
攝製隊以近乎競步O既速度向山下面行﹐大約一個鐘頭之後﹐我地就到O左一個可以停底落腳O既地方。O個度係一個依山而建O既廁所。一個鐘頭之後﹐攝製隊又到達一個茶水站。其實O係條山路上面﹐差不多每一個鐘O既路程﹐就有一個茶水站。所以行落大峽谷底﹐其實唔需要帶太多水。只要D水夠頂兩三個鐘頭就一定冇問題。問題只係食物同埋體力。行到差唔多3點﹐
攝製隊又去到另一個茶水站。我地派出我地英文最好O既阿蔡﹐問問其他人落山O既情況。問到O既情況頗令人失望﹐原本我地要去O既目的地"谷底之河"仲要行多幾個鐘頭至到﹐
太陽大約會O係7點咁上下開始落山。所以如果冇食物﹐"IT IS DEFINITELY NOT A GOOD IEAD TO GO DOWN!"。我地幾個人都係兩手"FING
FING"﹐求其拎住一樽水就挑戰大峽谷。要去谷底之河實在太危險。不過好在仲有另外一個地方﹐一樣俾到人征服大峽谷O既感覺﹐一樣可以稱為大峽谷底。茶水站O個D人叫O個度做"THE
GARDEN"。有人剛從THE GARDEN上到O黎﹐
佢地話佢地行O左一個半鐘頭...經過一輪計算之後﹐我地認為我地可以天黑前由THE GARDEN上返山頂﹐所以攝製隊又再之踏出征途啦。半個鐘頭之後﹐O係我地面前竟然出現O左一條小溪。"嘩﹗﹗﹗﹗﹗"我將我泥黃色O既雙腳浸入水入面。腦裏面唸到O既只係將以羅果子鹽倒落水﹐
"渣﹗"O個一下。感動到真係想喊。走過小溪﹐行多幾步就已經見到我地O既目的地。不過見到還見到﹐我地都仍然要行多十幾二十分鐘至去到THE
GARDEN。
o係THE GARDEN度﹐基本上每一個角落都係一個靚景﹐除o左個360度o既VEDIO﹐我地仲影o左大大話話廿幾三十幅相。可惜時間有限﹐因為趕住太陽落山之前要返上山﹐所以我地o係THE GARDEN只係逗留o左大約半個鐘頭。
我地都知道上山o既路絕對係好艱巨﹐出發之前﹐朱錦同我都各自拎條朱古力BAR出o黎食。嚇o左我地一跳﹐條朱古力除o左D花生之外﹐全部溶到好似水咁。結果都食唔到幾多。我地出發前已經講好﹐行得快o既唔駛特登行慢D等埋其他人﹐自己行上去先﹐費事浪費時間同體力。我知道自己耐力唔係咁好﹐而且落o黎o既時候又揹住部DV﹐體力消耗比其他人多﹐所以上山o既時候部DV就俾PATRICK帶上去。初時﹐大家都冇乜事﹐大約個半鐘之後﹐我地又到返最後一個茶水站﹐同當初我地遇到o個班人所講o既時間都差唔多。茶水站抖o左一抖之後﹐我地又再繼續行。一路上大家已經再唔多講野﹐慳番啖氣上山﹐而且各人o既距離開始越拉越遠。PARTRICK 一路領先﹐阿蔡緊隨其後﹐ 朱錦同佢地相差都成幾十個馬位﹔最後大外檔殺緊上o黎o既係阿貅。冇耐之後﹐朱錦氣力不繼隋後﹐阿貅慢慢己經追上阿蔡。同阿蔡平頭咁行o左一段路﹐ 大約去到6點幾﹐大家o既體力開始急劇下降﹐大峽谷亦開始冇咁熱﹐我FEEL到自己開始"標冷汗"﹐我知道呢個時候保持體溫好重要﹐又好在我落o黎o既時候帶o左件JACKET﹐預防太陽下山之後會好凍。雖然個身都幾濕﹐但我仍然披上件JACKET。到o左七點﹐據茶水站o既人講太陽應該差唔多落山﹐我望望身後p既太陽﹐同地平線大約成30度角﹐我估計應該都唔會咁快落山。個心都鬆一口氣﹐不過我嘗試用手指向前面指﹐我發覺我連遞高一隻手o既氣力都冇。
呢一刻我腦入面有好多野o係度轉﹐PATRICK同我地相距大約6﹐7分鐘路程﹐朱錦己經唔見o左人﹐我唸起碼都同我地相差十幾分鐘o既時間﹐開始替佢有D擔心。我飲埋我手上最後o既兩啖水﹐留o左一啖俾阿蔡﹐佢因為冇JACKET﹐所以佢o既水份流失比我多。雖然我已經冇哂力﹐但我知道只要我對腳唔停﹐就唔會累到郁唔到﹐一定可以捱到上山頂。我KEEP住我o既步覆﹐終於o係7點搭9
咁上下上到山頂。PATRICK已經o係山頂等緊﹐阿蔡應該都會o係幾分鐘之內到。我上到山頂即刻同PATRICK講﹐"我地依家去買D食物﹐求其食D之後﹐搵個有氣有力p既人﹐帶埋野食同水落番去搵朱錦。因為我估朱錦同我地相差有成半個鐘路程﹐我驚天黑之前返唔到o黎。食o左野會行得快D﹐希望可以快D返到p黎".
大峽谷下面冇燈﹐
天黑o既話就會乜都睇唔到﹐到時上又上唔到﹐又會凍得好緊要﹐隨時會死人。阿蔡冇耐之後上到o黎﹐我同佢講多次頭先番說話﹐大家就分頭行事﹐我同PATRICK買野食﹐阿蔡去駛架車過o黎﹐我地"拿拿聲"食完隻熱狗﹐PATRICK就帶埋食物﹐JACKET﹐水﹐WALKY
TALKY落去搵朱錦。唔夠兩個字﹐太陽開始落山﹐我望住個天開始黑﹐就越o黎越擔心, 好在拯救隊長PATRICK話己經搵到朱錦﹐一天都光哂!
好快朱錦就上到山頂剛好趕得切天未黑哂之前返到。朱錦話佢有奇遇﹐o係半路中途撞到一家人﹐其中佢地個阿媽係醫護人員﹐見佢就死就死咁就俾o左支神仙棒佢食。支神仙棒主要係焦糖﹐仲有好多礦物質﹐牌字名叫"SLIM FAST"﹐支野o係成40度高溫都唔溶﹐佢話SLIM FAST 救o左佢一命。我地後來叫o個支野做"能源棒棒"。
終於返到MOTEL﹐我除o左對鞋睇睇對腳﹐發覺成對腳都磨到甩哂皮﹐不過唔係好深所以唔痛。而阿蔡亦因為著鞋唔著襪﹐都磨到損哂﹐要貼成4﹐5塊膠布至掂。阿蔡話佢一次過行哂佢一世人要行o既山﹐以後行山都唔駛搵佢啦。
下一集我地會去鮑威爾湖嘆一嘆, 萬勿錯過!
THE GARDEN
我地就係由山頂走到落o黎!
 |
 |
 |